‘ضمير الأمة’ – المدى |

‘ضمير الأمة’

فالح بن طفلة في ابيات شعرية: وقف مع مسلم إذا كنت رجال

دون الشاعر فالح بن طفلة ابيات شعرية للنائب السابق مسلم البراك:

خايف على عيالك وخايف على المال
يلـعـن أبو العيشـة بليَّا كـرامـه.!!!
وقّف مع مسلّم إذا كنت رجال
واترك كلام أهل الترف والرخامه
مسلّم البراك سلّال الانذال
سم الأعادي مستحق الزعامه
نال المعالي كلها..قول وافعال
والشعب حَبّه واستهام بغرامه
على طريق أهل المبادئ والابطال
سطّر وفاه وفزعته واحترامه
واثبت بإن المرجله صعب تنطال
للي يبون المرجله بالسلامه.!!
يالهاملي من سجنك الدمع همّال
يبكيك يا رمز الشرف والشهامه
حنَّا معك والشعب بالعهد ما مال
والكل وافي وصادقٍ بالتزامه
ماضرك السجن ومُعاناة الاغلال
ما دام قدرك في الضماير مقامه
وبكره يبين الحق لو ظلمهم طال
وترجع فعايلهم عليهم ندامه

الشاعر: فالح بن طفله

هذه التدوينة تحتوي علي بدون تعليقات

إضافة رد